الكاتب الروائى احمد اسماعيل كاتب رواية جلسة علاج من الاحتياج يستعرض مهاراته فى شعر العاميه ويطل علينا بقصيده جديده ينشرها عبر حسابه على الفيس بوك وهذه القصيده بعنوان مذكرات عجوز
دعونا نستمتع بكلمات هذه القصيده الرائعه
(مذكرات عجوز)
عديتى زى الهوا وكانى طيف مجنون
سيبتيلى بس الدوا وحضنك المسكون
سيبت الرصيف فاضى
وسكنت بيت ملعون
وقت الدموع راضى
وربى كان فى العون
عديتى زى الشتا فى عز نار الصيف
سيبتى القلوب ميته ولبستى توب الزيف
كنتى الصديق والونس وأنا كنت عندك ضيف
يادنيا يا مرعبه
ليه تخطفى المركبه وتسيبى ذكراها
عديتى فى الأيام وأنا كنت براها
عيشت السنين تجربه
وطلعت متعلق
أتارينى كنت عبيط وطلعتى حاضناها
بكتب رسايل للحياه قبل الفراق
قبل أما أكون حبة غبار
يمكن تسيبلى طوق نجاه من الاشتياق
أو حتى جار
يادنيا ياللى بتعشقى كل اللى زار
ولا كنتى يوم حمل البكا
ولا كنتى يوم حمل انتظار
أنا كنت مستنى هنا
وانتى اللى غيرتى المسار
عمرك ما كنتى فى يوم معايا
ولا حتى بتابعى اللى دار
دلوقتى مستنى النهايه
وانتى عايشه فى انتصار
اترك تعليقا:
.jpg)
